မန်ယူ နည်းပြ ဆာ အဲလက်စ် ဖာဂူဆန်က နယူး ကာဆယ်နှင့် ပွဲအပြီးတွင် ခြေစွမ်းပြ ကစားသွား ခဲ့သော မန်ယူ၏ ၀ါရင့် ကစားသမား နှစ်ဦးဖြစ်သည့် ပေါလ်စခိုးလ်နှင့် ရွိုင်ယန်ဂစ် တို့အား ချီးကျူး ပြောဆိုခဲ့သည်။
ဖာဂူဆန်က "စခိုးလ် နဲ့ ဂစ်တို့ဟာ ထူးချွန်တဲ့ ကစားသမား တွေပါ၊ တခြား ကစားသမား တွေကိုလည်း အနာဂတ်မှာ သူတို့လို ဖြစ်လာဖို့ မျှော်လင့်မိ ပါတယ်။ သူတို့ဟာ ပွဲတစ်ပွဲရဲ့ အဖြေကို ပြောင်းလဲ နိုင်တဲ့ ကစားသမား နှစ်ဦးပါ။ စခိုးလ်နဲ့ ဂစ်ဟာ အသက် အရွယ်ပိုင်း အရ ကြီးလာပေမယ့် အနိုင်ရလို စိတ်ကတော့ ထက်သန်နေတုန်းပါပဲ၊ ဒါဟာ အသင်းအတွက် အရမ်းကောင်းတဲ့ အချက်ပါ၊ ဂစ် သွင်းယူခဲ့တဲ့ ဂိုးဟာ အလွန်ကောင်းမွန်တဲ့ ဂိုး တစ်ဂိုးပါ " ဟုချီးကျူး ပြောကြားခဲ့သည်။
မန်ယူနှင့် နယူးကာဆယ် တို့၏ ပရီးမီးယားလိဂ် ပွဲစဉ်တွင် မန်ယူ အသင်းက ၃ဂိုးပြတ် အနိုင်ရရှိခဲ့ပြီး ထိုရလဒ်ကြောင့် မန်ယူ အသင်းသည် ပရီးမီးယားလိဂ် ပွဲစဉ် ၁ အပြီးတွင် ရမှတ် ၃မှတ်ဖြင့် ဂိုးကွာခြားချက် အရ စတုတ္ထ နေရာတွင် ရပ်တည်နိုင်ခဲ့သည်။ ယင်းပွဲတွင် စခိုးလ်က ဂိုးတစ်ဂိုး ဖန်တီးပေး ခဲ့ပြီး ဂစ်က အနိုင်ဂိုး တစ်ဂိုး သွင်းယူပေး ခဲ့သည်။
Source: SoccerMyanmar
Tuesday, August 17, 2010
စခိုးလ်နှင့် ဂစ်တို့မှာ ပွဲအဖြေကို ပြောင်းလဲ ပေးနိုင်သော ကစားသမား များဟု ဖာဂူဆန် ချီးကျူး
Subscribe to:
Post Comments (Atom)
0 Comments:
Post a Comment